*ఫోటో న్యూస్, తిరుమల రిపోర్టర్ (నేటి గళం) –:* *తిరుపతి కలియుగ ప్రత్యక్ష దైవం శ్రీ వెంకటేశ్వర స్వామి వారిని ప్రోటోకాల్ విఐపి బ్రేక్ దర్శనంలో స్వామి వారిని దర్శించుకున్న ఆంద్రప్రదేశ్ రాష్ట్ర విశ్వబ్రాహ్మణ సంక్షేమ మరియు అభివృద్ధి కార్పొరేషన్ చైర్ పర్సన్ శ్రీమతి కమ్మరి పార్వతమ్మ...*

*కంచిపట్టు చీరలకు చిరునామా ... కర్నూలు మన రుక్మిణి సిల్క్స్* ///

*కర్నూలు ఓల్డ్ సిటీ రిపోర్టర్ (నేటి గళం) –:*
మైసూర్–కంచి పట్టు చీరలకు నిలయంగా కర్నూలు లో రుక్మిణి సిల్క్స్ వెలిసిందని సంస్థ మేనేజింగ్ డైరెక్టర్ డాక్టర్ చందన అన్నారు. రుక్మిణి సిల్క్స్ ప్రథమ వార్షికోత్సవాన్ని పురస్కరించుకొని నవంబర్ 15, 16, 17 తేదీలలో ప్రత్యేక కార్యక్రమాలు నిర్వహిస్తున్నట్లు ఆమె వెల్లడించారు.

వార్షికోత్సవ ఆఫర్లలో భాగంగా పట్టు చీరలపై రూ 500 వరకు తగ్గుదలను అందిస్తున్నట్లు తెలిపారు. రూ. 3,500 నుండి అందుబాటులో ఉన్న పట్టు చీరలు భారతీయ మహిళల సంస్కృతి, సాంప్రదాయం, సౌందర్యాన్ని ప్రతిబింబించేలా ఉంటాయని వివరించారు.

కంచీపురం పట్టు చీరల నాణ్యతను కర్నూలు లోనే అందుబాటులో ఉంచే లక్ష్యంతో రుక్మిణి సిల్క్స్‌ను ఏర్పాటు చేశామని డాక్టర్ చందన తెలిపారు. మైసూర్ సిల్క్ , కంచి పట్టు వంటి నాణ్యమైన చీరలను మధ్యతరగతి కుటుంబాల నుండి ధనవంతుల వరకు అందరికీ అందుబాటులో ఉంచామని పేర్కొన్నారు.

కర్నూలు పట్టణంలోని విక్టరీ టాకీస్ లైన్, మించన్ బజార్, పెద్దమ్మవారి శాల ఎదుట ఉన్న కాంచీపురం రుక్మిణి సిల్క్ షోరూం స్థాపనకు మొదటి సంవత్సరం పూర్తి కావడంతో ప్రతీ పట్టు చీర కొనుగోలుపై ఆకర్షణీయ రాయితీలను అందిస్తున్నట్లు నిర్వాహకులు తెలిపారు.

పట్టు చీరల ప్రత్యేకతలు, నాణ్యత, కొత్త వెరైటీ డిజైన్లు తమ షోరూంకు ప్రత్యేక గుర్తింపునిస్తూ ఉన్నాయని, ఇకపై కర్నూలు ప్రజలకు పట్టు చీరల కోసం ఇతర ప్రాంతాలకు వెళ్లాల్సిన అవసరం ఉండదని డాక్టర్ చందన మీడియాతో చెప్పారు.

*అలంపూరు మాంటిస్సోరి పాఠశాలలలో బాలల దినోత్సవం*/// *పాఠశాల వ్యవస్థాపకురాలు కీ..శే.. కళ్యాణమ్మ జయంతి వేడుకలు* ///
*జోగులాంబ గద్వాల జిల్లా బ్యూరో (నేటి గళం) –:* జోగులాంబ గద్వాల జిల్లా , అలంపూరు లోని స్థానిక మాంటిస్సోరి పాఠశాలలో శుక్రవారం ఘనంగా బాలల దినోత్సవాన్ని జరుపుకున్నారు. ఇదే రోజున పాఠశాల వ్యవస్థాపకురాలు కీ..శే. కళ్యాణమ్మ జన్మదినం కావడంతో జయంతి వేడుకలు ఎంతో ఘనంగా నిర్వహించారు. ముందుగా ప్రార్థనా గీతంతో కార్యక్రమాన్ని మొదలు పెట్టారు. ఈ వేడుకలో భాగంగా పాఠశాల డైరెక్టర్ కె యన్ వి రవి ప్రకాశ్ , పాఠశాల ప్రిన్సిపాల్ పి నాగలక్ష్మి ... జవహర్లాల్ నెహ్రూ , కీ..శే. కళ్యాణమ్మ చిత్రాలకు పూలమాలలు వేసి, కార్యక్రమాన్ని ప్రారంభించారు. ఈ సందర్భంగా విద్యార్థిని విద్యార్థులు నెహ్రూ జీవిత విశేషాలను ఉపన్యాసాల ద్వారా సంభాషణల ద్వారా కవితల ద్వారా పాటల ద్వారా వివరించారు. కొందరు విద్యార్థులు నెహ్రూ వేషధారణతో అలరించారు. ఈ వేడుకలో భాగంగా పాఠశాల వ్యవస్థాపకురాలు కీ..శే. కళ్యాణమ్మ జీవిత విశేషాలను, వారు సాధించిన విజయాలను, విద్యార్థులపై వారికి ఉన్న ప్రేమాభిమానాలను ఉపన్యాసాల ద్వారా సంభాషణల ద్వారా కవితల ద్వారా పాటల ద్వారా ఎంతో అద్భుతంగా వివరించారు. ఈ సందర్భంగా పాఠశాల ప్రధానోపాధ్యాయులు పి. నాగలక్ష్మి మాట్లాడుతూ మానవ దశలలో బాల్యం ఎంతో అద్భుతమైన దశ అని ఈ దశలోనే ప్రతి విద్యార్థి భవిష్యత్తులో తాను ఏ దశలో ఉండాలో మనస్సులో ఒక గట్టి సంకల్పాన్ని ఏర్పాటు చేసుకోవాలని సూచించారు. విద్యార్థులందరికీ బాలల దినోత్సవ శుభాకాంక్షలు తెలియజేశారు. ఈ కార్యక్రమంలో విద్యార్థులు, ఉపాధ్యాయులు పాల్గొన్నారు.

*గురుదేవ్ పాఠశాల లో ఘనంగా చిల్డ్రన్స్ డే*///
*వివిధ వేషధారణలో ఆకట్టుకున్న చిన్నారులు*///
*అలంపూర్ ప్రతినిధి (నేటి గళం) –:* నవంబర్ 14న భారతదేశంలో ప్రతి ఏట బాలల దినోత్సవం జరుపుకుంటారు. భారతదేశం మొట్టమొదటి ప్రధాని పండిత్ జవహర్ లాల్ నెహ్రూ జన్మదినాన్ని పురస్కరించుకొని ఈ ఉత్సవాన్ని జరుపుకుంటారు. ఇందులో భాగంగా శుక్రవారం నాడు అలంపూర్ మండల పరిధిలోని గురుదేవ్ పాఠశాలలో పాఠశాల కరస్పాండెంట్ కే నందకుమార్ ఆధ్వర్యంలో ఘనంగా బాలల దినోత్సవం నిర్వహించారు. ఈ ఉత్సవాలలో భాగంగా ముందుగా పాఠశాల ఆవరణలో ఏర్పాటు చేసిన కార్యక్రమంలో చిన్నారులు వివిధ పాటలు పాడి , నృత్యాలు వేసే పోటీ కార్యక్రమాలు నిర్వహించారు. ఇందులో గెలుపొందిన విద్యార్థులకు పాఠశాల కరస్పాండెంట్ కే నందకుమార్ బహుమతులు అందజేశారు. అనంతరం కరస్పాండెంట్ కే నందకుమార్ మాట్లాడుతూ ... గత కొన్ని ఏళ్ల నుంచి నవంబర్ 14 న పాఠశాలలో చిల్డ్రన్స్ డే నిర్వహిస్తున్నామన్నారు. విద్యార్థులకు చదువుతో పాటు క్రీడలు, సంస్కృతిక కార్యక్రమాల్లో రాణించాలని తెలిపారు. ఈ కార్యక్రమంలో పాఠశాల ఇతర ఉపాధ్యాయులు , విద్యార్థులు పాల్గొన్నారు.